Erschti Schritt mit Okawix
Erschti Schritt mit Okawix:
Wänn du zem erscht mol uf Okawix bisch, no merksch: obe vum Okawix-Fänschter het s dr Wärchzyygchaschte, unter em Wärchzyygchaschte s Suechchäschtli un unter em Suechchäschtli dr Korpus-Verwaltigs-Chaschte un uf dr rächte Syte e Hauptfänschtere. Dää macht s der speter meglig d Sproch vum Inhalt uuszwehle (au Archiv gnännt oder Korpus), wu Du gärn witt abelade, ass Du ne chasch offline läse. Du chasch eso vil Sproche uuswehle wie du witt.
Zem Byschpel wehl Änglisch uus un derno gang uf Sproche uuswehle.
E Lischt erschynt vu allne Archiv, wu in däre Sproch verfiegbar sin. Zuesätzlig chunnsch d Megligkeit iber e eige Archiv ir Dyy Website aazlege: gib eifach Dyy E-Mail-Adräss un d URL vu Dyyre Website un derno druck uf Aatrag.
Druck dr Abelade-Chnopf vu däm Archiv, wu du offline witt din browse. Okawix bietet Dir, des Archiv uf ere lokale Feschtplatte z spychere, in eme Verzeichnis, wu Du witt.
Du chasch s Archiv mit oder ihni Bilder abelade (go d Zyt un dr brucht Spycherplatz vum abegladene Archiv eso chlei wie meglig halte).
Druck Inschtalliere. S uusgwehlt Archiv wird derno gspycheret un d Hauptsyte dervu wird im Hauptfänschter aazeigt (ohni Bilder, wänn Du si nit abeglade hesch). Im linke Fänschter, dr Namme vum Archiv wird yygfiegt in d Lischt vu dr Archiv, wu Du lokal gspycheret hesch.
D Artikel vu däm Archiv chene jetz offline gläse wäre.
D Chnepf „Zruck“ un „Firschi“
Dr Zruck un dr Firschi-Chnopf: dr Zruck un dr Firschi-Chnopf mache s Dir megli zue dr vorige Quälle zruck un firschi z goh, wie in jedem Browser.
Dr Chnopf „Hauptsyte“
Dr Hauptsyte-Chnopf: zeigt im Hauptfänschter d Hauptsyte vum Archiv, wu du am Aaluege bisch, un uf dr linke Syte s Korpusverwaltigs-Fänschter.
Dr Chnopf „Suechergebnis aazeige“
Dr Chnopf Suechergebnis aazeige: zeigt im linke yyklappbare Fänschter d Ergebnis vu Dyyre letschte Suech.
Dr Chnopf „Gschicht aazeige“
Dr Chnopf Gschicht aazeige: zeigt im linke yyklappbare Fänschter friejeri Suechine, wu Du uusgfiert hesch, wu au as Dyyni Suechgschicht bekannt isch, wänn Du s Okawix-Suechfäld bruchsch. E Klick uf e Uusdruck in Dyyre Suechgschicht zeigt im nämlige linke Fänschter d Ergebnis vu dr Suechi, wu du druf druckt hesch.
Dr Chnopf „Die Syte drucke“
Dr Chnopf Die Syte drucke: stellt s Druckerprogramm aa vu Dyym Betribsyschtem.
Dr Chnopf „Meh Inhalt“
Di Meh Inhalt-Schaltflechi: Zeigt links dr Hauptteil-Ramme, un im Haupt-Ramme, uf dr rächte Syte, d Sprochuuswahl-Syte (Wänn in dr aktuälle Okawix-Sitzig scho ne Sprodch uusgwehlt isch, no wird statt däm d Archivuuswahl-Syte aazeigt mit dr verfiegbare Archive in dr uusgwehlte Sproche).
Dr Chnopf „Hilf“
D Hilf-Schaltflechi: Zeigt die Benutzerhilf aa (Im Benutzerhilf-Fänschter findet mer au d Info-Schaltflechi. E Klick druf macht s Info-Chäschtli uf mit dr Okawix-Credits).
In eme Korpus sueche
Wie suecht mer in eme Korpus (s Artikelsuech-Fäld un s Sueche-Fäld): Okawix macht s meglig, ass mer im aktive Korpus cha sueche no relevante Artikel iber e vu Dir bstimmti Abfrog. Die Funktion wird z Verfiegig gstellt iber di semantisch Suechmaschiin Wikiwix (entwicklet, wie Okawix, dur d Linterweb Company).
Sueche isch eifach: gib eifach Dyy Abfrog in s Suechfäld yy. Wänn Du s yytippsch, chunnsch automatischi Vorschleg vu Abfroge iber, wu zue däm passe, was Du bishär yygee hesch, un zum Korpus, wu zur Zyt aktiv isch (die automatischi Vervollständigungs-Funktion wird aktiviert, wänn Du zmindescht vier Zeiche yygee hesch. Wichtig isch au, ass d Tatsach, ass e Wort nit in däre Vorschlagslischt vorchunnt nit heißt, ass es nyt zue däm Wort git im Korpus oder ass es keini Artikel het, wu zue Dyyre Abfrog passe).
Wänn Dyy Abfrog yygee hesch, no machsch eis vu däne Vorschleg go Dyyni Suech abschließe:
- klick uf ein vu dr vorgschlagene Uusdruck.
- wehl ein vu dr vorgschlagene Uusdruck uus mit dr „Uffe“- un „Abe“-Taschte un druck uf „Enter“.
- gib e Wort in s Artikelsuech-Fäld yy un druck uf „Enter“.
- gib e Wort in s Suech-Fäld yy un druck uf dr Sueche-Chnopf.
Di erschte fimfezwanzg Ergebnis wäre im linke yyklappbare Fänschter aazeigt, gordnet no dr Relevanz zue Dyy re Abfrog. D Namme vu dr Artikel, wu gfunde wore sin, wäre in farbige rächteckige Balke gschribe mit Lengine, wu proportional sin zue dr Relevanz zue Dyyre Abfrog.
Wichtig (1): d Tatsach, ass e Artikel unter dr erschte Ergbebnis vorchunnt, heißt nit, ass es alli Werter vu dr Abfrog in däm Artikel het. D Relevanz vun eme Artikel wird vu Okawix mit komplizierte Algorithme uusgrächnet. D Einzelheite vu däne Algorithme ghere leider nit zue däre Dokumäntation.
Wichtig (2): D Idee vu Wikiwix isch Froge in ere natryrlige Art un Wyys z stelle, wie si in ere natyrlige Sproch vorchemme. Im Gegesatz zue Abfroge in gängige Suechmaschine, wu mer eifach e baar Suechbegriff yygit un eso di beschte Ergebnis iberchunnt, cha mer in Wikiwixy e Frog eso yygee, wie wänn mer si eme Mänsch deet stelle. Wänn mer zem Byschpel will wisse, wie hoch dr Eiffelturm isch, no cha mer yygee: „Wie hoch isch dr Eifeltrum?“ Wikiwix versuecht derno d Bedytig vu Dyyre Abfrog z „verstoh“ un git Dir d Ergebnis, wu am beschte zue däre Frog passe. Natyrli ich klar, ass Wikiwix Froge nonig eso guet cha verstoh wie ne Mänsch; Verbesserige wäre aber mit jedere neje Version vu Okawix un Wikiwix uusebrocht.
Dr Chnopf „E Wort in däre Syte finde“.
D Syte dursueche-Schaltflechi: Erlaubt s em Benutzer s Vorchuu vun ere bstimmte Zeichechette in dr aktuälle Syte z finde. Wänn Du uf d Schaltflechi klicksch, no erschynt e chlei Finde-Dialog-Chäschtli. Im Täxtfäld cha s Suechwort yygee wäre.
Markier s Match case-Chäschtli, wänn d Groß- un Chleischryybigbi s´dr Suechi soll berucksichtigt wäre (Wänn d Option gwehlt isch, wird d Suechi no „staat“ nit s Vorchuu vu „Staat“ finde, wel „Staat“ mit eme Großbuechstabe aafangt).
Markier s Wrap-Chäschtli, wänn d Suechi am Aafang vu dr Syte soll furtgsetzt wäre, wänn d Suechi an Änd vu dr Syte chuu isch.
Ußerdäm cha d Suechrichtig gsetzt wäre: Vu obe no unte, wänn Down uusgwehlt isch, vu unte no obe, wänn Up uusgwehlt isch.
Klick Find Next go mit dr Suechi aafange. Wänn ebis gfunde woren isch, wird s erscht Vorchuu vum Suechwort in Blau fiirighobe. Klick nomol go s zweit Vorchuu säh, wänn s eis git, derno klick nomol, …. Wänn kei Suechergebnis, oder keini meh, uf dr Syte gfunde woren isch, no erschynt d Mäldig „The text you entered was not found“ (ußer s Wrap-Chäschtli isch uusgwehlt).
Klick Cancel go s chlei Finde-Dialog-Chäschtli zuemache.
D Sprochuuswahl-Syte
D Sprochuuswahl-Syte: Die Syte erlaubt s d Sproch vum Inhalt uuszwehle (au Archiv oder Hauptteil gnännt), wu Du witt abelade go s offline läse. Wänn d Sproch nonig in dr aktuälle Okawix-Sitzig gwehlt woren isch, chunnsch uf die Syte ber d Meh Inhalt-Schaltflechi im Wärchzyygchäschtli. Wänn Du d Sproch scho gwehlt hesch, wird statt dr Sprochuuswahl-Syte, d Archivuuswahl-Syte aazeigt. Du chasch d Sproch dur e Klick uf bearbeite ändere (no dr Werter „Uusgwehlti Sproche“)
Du chasch e baar Sproche uuswehle. D Sproche wäre sortiert no dr Aazahl vu dr Wikipedia-Artikel in däne Sproche.
Derno klick Sproch wehle; D Archivuuswahl-Syte wird aazeigt.
D Archivuuswahl-Syte
D Archiv-Uuswahlsyte: Die Syte erlaubt s Dir zem Eine, d Archiv, wu Du witt abelade, uuszwehle, ass Du chasch offline din ummesteberem, un zem Andere bietet si Dir zuesätzli, ass du chasch Archiv vu Dyre eigene Webyte chasch aalege. Du chunnsch uf die Syte, indäm Du uf Meh Inhalt in dr Meülyyschte drucksch. Wänn d Sproch in dr aktuälle Okawix-Sitzig nit uusgwehlt woren isch, wird zerscht d Sproch-Uuswahlsyte aazeigt statt dr Archiv-Uuswahlsyte ; in däm Fall muesch zerscht d Sproche vu dr Inhalt uuswehle (au Archiv gnännt oder Korpus), wu du gärn detsch abelade un derno drucksch uf Sproche uuswehle , zum uf Archiv-Uuswahlsyte chuu.
D Archiv-Uuswahlsyte zeigt der, weli Archiv verfiegbar sin fir die Sproche, wu Du uusgwehlt hesch un wie groß die sin.
Go ne Archiv abelade druck eifach uf dr Abelade-Chnopf, wu derzue ghert. D Installationssyte vu däm Archiv wird derno aazeigt un dr Name vum Archiv wird zuegfiegt zue dr Inschtallier-Lischt vu dr Arvchiv, wu in dr aktuälle Okawix-Sitzig chenne abeglade wäre, im Korpusvcerwaltigs-Chaschte (s link yyklappbar Chäschtli).
Wänn du ne Archiv vu Dyre eigen Websyte witt haa, no gib eifach Dyy E-Mail-Adräss un d URL vu Dyyre Syte yy un derno druck uf Aatrag.
D Inschtallationssyte
D Inschtallationssyte vun eme Archiv: machjt s megli e vorhär uusgwehlt Archiv aabezlade un z inschtalliere. Zum uf die Syte chuu, mach eis vu däm:
- druck, im Korpusverwaltigsfänschter (dr link yyklappbar Fänschter), uf dr Namme vum Archiv, wu Du witt uuswehle, in dr Inschtalliere-Lischte, imfall die Lischtre isch nit läär.
- wänn s Archiv, wu Du witt inschtalliere nit in dr Inschtalliere-Lischte vu dr Archiv erschynt, wu fir di aktuäll Okawix-Sitzig chenne inschtalliert wäre, erschynt, gang in dr Korpusverwaltigsfänschter (dr link yyklappbar Fänschter), derno druck in dr Archivuuswahlsyte uf dr Aabelade-Chnopf, wu zue däm Archiv ghert, wu Du witt uuswehle.
D Syte zeigt Dir dr Name vum Archiv, wu inschtalliert soll wäre, aa un s Verzeichnis, wu s Archiv din gspycheret wird (wänn Du ne ander Verzeichnis witt haa, no gib dr Pfad vu däm Verzeichnis yy im zuegherige Textfäld oder druck uf dr Browse-Chnopf un wehl s richtig Verzeichnis).
Wänn d Option Boilder inschtalliere uusgwehlt isch, wäre d Bilder in dr Artikel aabeglade un au inschtalliert (des verlengeret d Zyt vum Aabelade un vergreßeret au dr erforderlig Spycherplatz).
D Gsamtgreßi vu däm, wu Du inschtalliersch (nume s Archiv oder s Archiv mit Bilder) wird au unter em Browse-Chnopf aazeigt.
Wänn Du uf Abbräche drucksch, no wird dr Name vum Archiv us dr Inschtlalliere-Lischte vu dr Archiv uusegnuu, wu fir di aktuäll Okawix-Sitzig chenne inschtalliert wäre, us em Korpusverwaltigsfänschter (em linke yyklappbare Fänschter).
Wänn Du uf Inschtalliere drucksch, inschtalliert Okawix d Archiv, d Nämme vun ene wäre vu dr Inschtalliere-Lischte in d lokal Lischt vu dr inschtallierete Archiv verschobe im Korpusverwaltigsfänschter (em linke yyklappbare Fänschter). Wänn des Arcvhiv scho inschtalliert isch, sihsch e Nochricht „s Korpus isch scho inschtlalliert“ un Du wirsch gfrogt, eb s „witt aktualisiere“.
S Korpusverwaltigs-Fänschter
S Korpus-Verwaltigs-Fänschter: macht s Dir meglig s Korpus (au Archiv oder Inhalt gnännt) z verwalte, z. B. Inhalt z inschtalliere oder z unterdrucke, Bilder yyzfiege, ...
Du chasch in des Fänschetr dryygoh dur dryyklicke, iber dr Wärchzyygchaschte, uf dr Hauptsyte oder uf Meh Inhalt. S Fänscher isch yyklappbar un erschyynt alliwyl uf dr linke Syte vu dr Oberflechi.
Im Fänschter het s unte:
- di lokal Lischt vu dr friejer inschatallierte Archiv (wänn s het). Wänn Du uf e Archiv in däre Lischt klicksch, no wird d Hauptsyte vu däm Archiv aazeigt.
- d Inschallier-Lischt vu dr Archiv, wu no mien inschtalliert wäre in dr aktuälle Okawix-Sitzig (wänn s het). Wänn Du uf e Archiv in däre Lischt klicksch, no wird s Inschtallations-Syte vu däm Archiv im Hauptfänschter aazeigt, uf dr rächte Syte vu dr Oberflechi.
- villicht e http-Chnopf. Wänn Du uf dää Chnopf klicksch, no wird uf dr rächte Syte vu dr Oberflechi d Sprochuuswahl-Syte aazeigt (wänn d Sproche scho fir di aktuäll Okawix-Sitzig uusgwehlt wore sin, no wird diräkt d Uuswahlsyte vu dr Archiv aazeigt, wu fir di bishär uusgwehlte Sproche verfiegbar sin).
Rächts unte vu däm Fänschter findsch zwe Chnepf:
- Bilder zuefiege: wänn e Archiv vu dr lokale oder dr Inschtallier-Lischt uusgwehlt isch, zeigt e Klick uf Bilder zuefiege d Inschtallationssyte im Hauptfänschter uf dr rächte Syte vu dr Oberflechi un bietet Dir aa, d Bilder vu dr Artikel fir des Archiv z inschtalliere
- Uuseneh: wänn e Archiv vu dr lokale oder dr Inschtallier-Lischt uusgwehlt isch, nimmt e Klick uf Uuseneh s Archiv us dr Lischt uuse. Wänn s Archiv in dr lokale Lischt gsi isch (un wäge däm lokal inschtalliert isch), wäre di zuegherige Dateie glescht.
documentation translation made by